20190807. A pasada fin de semana disputouse en Boiro o Campionato Galego de Caza con moi bos resultados para dous ribeirenses.
Así, Antonio Olveira proclamouse campión na modalidade San Huberto, mentres que Eloy Rodríguez obtivo un segundo posto en Levantadores e un primeiro posto en Cans de Parada co seu can Azor.
Segundo manifestou a Sociedade de Caza e Pesca Barbanza, trátanse de “magníficos resultados” tendo en conta que antes tiveron que clasificarse nos certames local e provincial, ademais de que na proba do sábado pasado se mediron coa elite da cinexética galega, tradicionalmente dominada por cazadores de Ferrol. O seu próximo reto é disputar o Campionato de España de Caza que se celebrará en Lleida.