20190813. A atleta ribeirense Ana Peleteiro conseguiu o segundo posto de triplo salto con 14’27 metros no Europeo de seleccións, sendo unicamente superada pola grega Paraskeví Papahristou con 14’48 metros. Así, Peleteiro sumou once puntos para a selección española de atletismo.
Deste xeito, Francia domina a clasificación con 192’5 puntos, seguida de Polonia con 191, Italia con 170, Alemaña con 169 e Gran Bretaña con 160’5, mentres que España queda sexta con 156.