20190812. A parroquia ribeirense de Corrubedo despediu as súas festas coa procesión da Virxe do Carme organizada pola asociación Corrubedo XI Séculos. Así, a imaxe da patroa dos mariñeiros estivo acompañada da Virxe do Perpetuo Socorro e da Virxe do Cabo. Entre as autoridades e persoeiros presentes figuraban, entre outros, o alcalde de Ribeira, Manuel Ruiz; concelleiros dos distintos grupos municipais; o párroco Gelasio López; e a presidenta da Asociación de Amas de Casa de Ribeira, Puri Cores.
Ademais, a procesión contou co acompañamento dos grupos As Silvaveiras e Xiada.
Trala ofrenda floral no mar, a comitiva regresou á igrexa onde se cantou a Salve Mariñeira conducida polo Coro Parroquial de Corrubedo, á cal se sumaron numerosas persoas.
