20190809. Axentes da Policía Nacional de Ribeira detiveron a un individuo de 35 anos, natural da localidade, como presunto autor dun delito contra a saúde pública na súa modalidade de tráfico de drogas.
Durante os seus labores de patrulla pola vía pública en prevención da comisión de delitos, os axentes detectaron a dous individuos que denotaban certo nerviosismo, recoñecendo a un deles por ser coñecedores dos seus antecedentes por delitos contra a saúde pública. Así, procederon a controlalos visualmente de forma discreta. Seguidamente, os axentes observaron como un dos individuos realizou un pase de droga ao outro a cambio dunha cantidade de cartos. Unha vez detectados, o vendedor deuse á fuga, polo que non puido ser interceptado nese preciso momento. Cando os axentes cachearon ao comprador, interviñeron unha dose de cocaína, recoñecendo que lla vendera o individuo que se deu á fuga.
A continuación, os axentes iniciaron a busca do individuo fugado, sendo posteriormente localizado e, ao proceder co cacheo, interviñeron 15 bolsas pequenas termo selladas, 14 das cales resultaron ser de cocaína e unha de heroína, dispostas para a súa venta. Así mesmo, atoparon certa cantidade de cartos en billetes de diverso valor e un teléfono móbil. Finalmente, os axentes procederon á súa detención como presunto autor dun delito de tráfico de drogas.
Ao detido cónstanlle antecedentes policiais por feitos similares e xa pasou a disposición xudicial.
