20190730. As viaxes en veleiro pola ría de Arousa desde A Pobra do Caramiñal continuarán os sábados e domingos de agosto ata o día 25. Así, todo aquel que se anime poderá desfrutar da paisaxe marítima a bordo do Mascato, unha embarcación de 12 metros de eslora.
A duración desta actividade é dunha hora e cuarto. As viaxes están programadas para os tramos horarios das 11.00, 13.00, 16.30, 18.00 e 19.30 horas. O prezo para os adultos é de 12 euros, mentres que para os nenos e nenas de ata 12 anos terá un custe de 8 euros.
Ademais, é preciso reservar con antelación na Oficina de Turismo situada no parque do Castelo ou a través de calquera medio do Departamento de Turismo da Pobra do Caramiñal, ben sexa mediante os teléfonos 687482835/671090262 ou do enderezo electrónico turismo@apobra.gal.
