O PSdeG-PSOE apoiará ao candidato de Nós Pobra e formarán un bipartito

14 Xuño 2019

Xosé Lois Piñeiro, alcalde en funcións da Pobra do Caramiñal e candidato de Nós Pobra á alcaldía, manifestou que a formación chegou a un “acordo previo que se foi formalizando en varias reunións” cos socialistas, polo que contarán co seu apoio no pleno de investidura. A idea é traballar de maneira conxunta pois “non é reparto de poder”. Deste xeito, formarán un goberno de coalición entre ambas forzas e acordarán aqueles programas máis importantes para o municipio.

Pola súa parte, Patricia Lojo, cabeza de lista do PSdeG-PSOE, explicou que a decisión de apoiar ao candidato de Nós Pobra veu dada porque “a lectura que fixemos foi que debe gobernar a esquerda.” Así, pretenden acadar un goberno “máis estable” cun equipo de traballo “moi positivo para o goberno que é o máis importante.”

Respecto do BNG, Patricia Lojo aclarou que o partido non falou cos nacionalistas porque deixaron moi clara a súa postura desde o principio, ademais de que “seguimos as declaracións de que non ían apoiar a candidatura.” Mentres tanto, Xosé Lois Piñeiro sinalou que lle tenderá a man á agrupación de Ramiro Ouviña, “se non é con pacto de goberno, con pactos puntuais.”

Outros artigos

Sábado seguen os chuvascos e a temperatura mantense

O sábado seguiremos con chuvascos xeneralizados localmente acompañados de saraiba, perdendo frecuencia e intensidad co paso das horas. Durante á tarde achegarase unha fronte que deixará precipitacións en todo o territorio. As temperaturas mínimas non sufrirán cambios...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...