Rianxo en Común (ReC), con Julián Bustelo á fronte, colle forza nestes comicios como grupo político municipal con entidade propia e con proxecto estratéxico definido. A anterior lexislatura serviulle ao grupo de campo de experiencia con propostas transformadoras para impulsar o comercio local ou para regular a participación cidadá na vida pública do concello.
Julián Bustelo é arqueólogo e investigador da Universidade de Santiago. Na presentación do grupo os seus membros recalcaron o seu obxectivo de traballar polo “ben común” e mellorar a calidade de vida das rianxeiras e os rianxeiros.
O equipo de Rianxo en Común está liderado por Julián Bustelo Abuín, Julio Alcalde Hermo, Ana Vidal Fungueiriño, José Alberto Angueira Gómez, Ana Rosa Figueira Vicente, Carlos González Sobradelo, Olalla Figueira Castaño, Carlos Angueira Gómez, Estefanía Pérez Yáñez e Tantino Rodríguez Gómez.
