O xornalista e escritor Celestino Viéitez Arizaga, coñecido como Tino Viéitez, faleceu aos 68 anos en Cambados, municipio ao que se trasladou hai uns anos.
Tino Viéitez foi un xornalista todoterreo e durante a súa traxectoria profesional estivo vinculado a dDario de Pontevedra nos anos 80 d medio do que foi correspondente en Marín. Especialista en información de sucesos cubriu dous dos crimes que naquela época conmocionaron Marín e Bueu, pero tamén a Pontevedra e ao resto de Galicia.
En 1982 seguiu as investigacións da desaparición e asasinato da moza Rosa María Juncal, de 19 anos, que foi achada morta nunha leira de San Tomé de Piñeiro e polo que foi detido e condenado o seu noivo Manuel Crespo.
No ano 89 editou e dirixiu o xornal local, ‘O Sol de Sanxenxo’.
Persoa inquieta, Tino Viéitez, nunca deixou do todo a súa faceta xornalística, e colaborou con distintos medios.
Como escritor e divulgador é autor de varios libros sobre a guerra da independencia dos franceses e as crónicas de Marín, Poio ou Sanxenxo de principios do século pasado. Ademais, escribiu as 1809 proezas do pobo galego e o ‘Transatlántico Santa Isabel. O Titánic das costas españolas’.
D.E.P.
