O presidente do Partido Popular na provincial da Coruña, Diego Calvo, aproveitou o mitin que a súa formación celebrou esta noite en Ribeira para pedir o voto e conseguir que Alberto Núñez Feijóo poida chegar á Moncloa e, desta maneira, dixo, deixar atrás “ao peor Goberno da Democracia” e, de paso, iniciar unha nova etapa “afastada dos radicalismos e dos separatismos”.
Acompañado docandidato ao Senado, Manuel Ruiz Rivas, Calvo, que insistiu na “importancia” de acudir ás urnas o próximo 23J para “demostrar que queremos botar a Sánchez”, incidiu en que España “merece recobrar a estabilidade, a moderación e o sentido común perdido nos últimos anos”.
Neste sentido, o líder dos populares na provincial asegurou que a súa formación sae a gañar e recalcou a “necesidade” de unir o voto ao redor da papeleta do seu partido o próximo 23 de xullo para evitar “pactos de despachos e bloqueos” que impidan “desaloxar” a Pedro Sánchez da Moncloa.
“Necesitamos un Goberno que se deba só aos españois, sen intermediaries e sen ataduras. Un Goberno forte que non teña soportar interposicións e chantaxes de ningún tipo”, dixo Calvo, que puxo en valor a forma de facer política do PP, baseada na “credibilidade, a transparencia e o respecto”.
“O único obxectivo de Sánchez é que non goberne o PP, é capaz de gobernar sen gañar e farao a calquera prezo”, afirmou o popular, quen defendeu que os españois “non merecemos catro anos máis vendo como os sediciosos, malversadores, agresores sexuais, terroristas e okupas seguen sendo os favorecidos por cesións que chegaron a debilitar o noso Estado”.
Nesta mesma liña, o líder dos populares na provincial dirixiuse tamén a aquelas formacións que din que queren que goberne o PP, pero que, na súa opinion, logo bloquean para que non o faga. “A única maneira de garantir que Pedro Sánchez deixe da Moncloa é votar a Núñez Feijóo. Todo o que non sexa así é poñer darlle ás aos socialistas”, aclarou.
O aval de Feijóo
Calvo aproveitou tamén para destacar a política cercana e de rúa que o líder da súa formación, Alberto Núñez Feijóo, está a levar a cabo durante as últimas semanas, fronte ao socialismo de Pedro Sánchez que, na seu opinion, cada día que pasa está máis afastado dos problemas reais que sofre a xente.
“Os que coñecemos ao noso presidente sabemos que é un home serio, traballador, de principios, de palabra e sincero. Sabemos que é un home cos pés na terra e que sabe de onde vén”, dixo o presidente popular quen, pola contra, referiuse a Sánchez como un dirixente que o único que fixo durante os últimos anos é mentir aos españois.
Nesta liña, o líder dos populares na provincial da Coruña fixo fincapé na diferenza que existe entre que os cidadáns poidan ter un goberno sereno e coherente como é o do Partido Popular en Galicia e ter un que o único fixo é “enfrontar, frivolizar, polarizar e defender os intereses particulares por encima dos xenerais do país”.
Por ultimo Calvo referiuse a maneira que ten o ‘sanchismo’ de facer e de entender a política como unha ferramenta para crear división e defender os intereses persoais antes cos xerais, e asegurou que chegou o momento de recuperar o sentido común, de que en Madrid “se faga política á galega, de que en España volva reinar a unidade e a serenidade, de que se restaure a confianza e de que volva o compromiso coa
palabra”, en definitiva, dixo o popular, “chegou o momento de Alberto Núñez Feijóo”.
