O alcalde en funcións da Pobra, Xosé Lois Piñeiro, ocupará o número oito da candidatura de Sumar ao Congreso pola provincia da Coruña.
A elección de Piñeiro responde á aposta da formación de incorporar ao proxecto nomes do ámbito municipalista, unha visión que para o pobrense é importante porque «os alcaldes saben que a política é resolver os problemas dá xente, como propón Sumar Galicia, e non crearllos». Avala a candidatura de Yolanda Díaz á presidencia do Goberno e engade o importante papel que xogará a número 1 pola Coruña, Marta Lois.
Xosé Lois Piñeiro ocupa o número oito da candidatura de Sumar, xusto por detrás doutra representante da política comarcal. A noiesa, Lola Caramés, que o próximo 7 de xullo deixará o seu posto na corporación como edila da Marea Cidadá de Noia, irá de número sete ao Congreso pola provincia.
