O concello de Outes vai acoller a vindeira semana unha nova xeira divulgativa das XVII Xornadas de Información Sociosanitaria de Outes e das II Xornadas do Programa Universitario de Maiores en Outes (Cuarto Ciclo da USC).
Será o xoves 23 de febreiro, a partir das 18.30 horas, na Casa da Cultura da Serra. A nova xornada xirará arredor da seguinte cuestión: A Demografía e o futuro da sociedade galega. Será impartida por Antía Pérez-Caramés, profesora de Socioloxía da Universidade da Coruña, e Isidro Dubert García, profesor de Historia da Universidade de Santiago de Compostela.
O ciclo do que forma parte esta actividade divulgaativa está a ser coordinado por Xosé Mª Dios Diz, médico especialista de Atención Primaria de Outes.
As xornadas veñen da man do Concello (Centro Social e Centro de Saúde), a Sociedade Galega de Xerontoloxía e Xeriatria, a USC, ADISBISMUR e a Asociación Cultural Terra de Outes.
