Os socialistas de Ribeira piden arranxar un treito de beira esnaquizado en Carreira

17 Novembro 2022

O PSOE de Ribeira, a través do seu concelleiro-portavoz, José Manuel Vilas, presentou un rogo para ser debatido en pleno relativo ao estado no que se atopan as beiras na parroquia de Carreira, concretamente a beirarrúa dun treito da estrada veciñal que vai de Campos de Arriba a Pedra do Corniño (DP-7305 ao Campo de Fútbol da Guía), que, por causas descoñecidas, sufriu “un descalce importante nunha lonxitude duns oito metros por todo o ancho da beira”, segundo explican os socialistas. O grupo engade que “a consecuencia dunha posíbel fuga de auga, a lousa de base perdeu apoio, causando rotura das baldosas, e tamén do muro de peche da finca lindeira coa vía pública, facendo intransitábel ese tramo peonil”.

E engaden: “A dita beirarrúa é frecuentada por unha importante cantidade de persoas, de tódalas idades, pais e rapaces que van ao Colexio, ou ao Campo de Fútbol de Carreira, camiñantes varios, e de forma diaria”. A situación é aínda máis grave, opinan, “se temos en conta que a estrutura rompeu hai dous meses e non se ven visos de actuación no lugar a actuar; iso si, colocáronse dous conos e unha cinta de obra, en modo disuasorio”.

No rogo PSOE de Ribeira pide que “por parte de quen corresponda sexa ordenado realizar o tramo de beira desfeito (con recheo ou cun forxado), coa máxima celeridade posíbel, por ser zona de tránsito habitual”.


Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...