Olimpiadas do Mar de Ribeira no Colexio de Bayón

A Cooperativa Santa Eugenia de Ribeira -OPP83 organiza este venres 18 de novembro,
unhas Olimpiadas do Mar de Ribeira no Colexio de Bayón.
O obxectivo será que os alumnos de primaria se adentren no mundo do mar e no traballo
diario da OPP83.
Para isto terán tres obradoiros onde participarán todos os nenos de Educación Primaria,
dende primeiro ata sexto.

• Coñece a pesca. Onde membros da OPP83 explicarán ao alumnado como é o seu día
  a dia, que tipo de pesca realizan, que peixes pescan…
• Come peixe. Vive Saudable. Onde xs pequenxs poderán deseñar e desenvolver unha
  campaña publicitaria co fin de potenciar o consumo do peixe.
• Desfrutando do peixe. Onde profesionais da hostalería lle contarán segredos de
  receitas feitas con peixe e onde, neste obradoiro o alumnado poderá degustar lirio e
  pota.
  As actividades desenvolveránse no centro en horario de 9:45 a 13:45 con descansos de
  11:00 a 11:15 e de 12:30 a 12:45 (aprox.).