O Coliseo Noela de Noia acolle este sábado, 26 de novembro, o Foro Empuxe, un proceso de participación cidadá organizado pola Asociación Deloa.
Este foro enmárcase dentro do proceso de elaboración da estratexia de desenvolvemento local 2023/2027 e pretende ser un proceso de participación aberto, na que se terá en conta a opinión de todos e todas as cidadáns e entidades do territorio de Deloa.
Ademais, a xornada contará con mesas de debate, música, baile, gastronomía, entre outras actividades.
As persoas que o desexen poden consultar o programa e toda a información relativa ao evento na ligazón específica habilitada por Deloa.
