O xurado do XXXV Premio de Poesía Eusebio Lorenzo Baleirón, organizado polo Concello de
Dodro, reúnese este sábado, 19 de novembro, para valorar e decidir a obra gañadora da actual
edición do certame. Neste acto, que se celebrará ás 10.30 horas na Casa da Cultura de Dodro, as
escritoras, Inmaculada López Silva, Emma Pedreira e Rebeca Baceiredo, terán a difícil tarefa de elixir
o poemario gañador entre os 51 traballos candidatos. Participarán na reunión, ademais, o alcalde de
Dodro, Francisco Xabier Castro Tourís, como presidente do tribunal, Xoán Xosé Vicente Franco,
concelleiro de Cultura e Patrimonio, como secretario e a poeta Elvira Ribeiro Tobío en calidade de
coordinadora e responsable do bo desenvolvemento do premio.
Logo do fallo, o xurado xunto con membros do goberno municipal, familiares e amigos do
poeta, Eusebio Lorenzo Baleirón celebrarán unha sentida homenaxe ao autor no cemiterio de Laíño,
onde fica soterrado.
O acto oficial de entrega do XXXV Premio de Poesía Eusebio Lorenzo Baleirón terá lugar o día 10
de decembro, no CPI de Dodro. A persoa gañadora recibirá 2.500 € e a obra galardoada será publicada
nunha editorial de recoñecido prestixio grazas ao financiamento do Concello de Dodro.
Ribeira celebra o Día do Libro coa entrega do premio do Concurso de Marcapáxinas
O alumnado do Colexio de Educación Infantil e Primaria de Olveira visitou este 23 de abril a Biblioteca Municipal de Ribeira, onde están expostos os 279 traballos que participaron no III Concurso de Deseño de Marcapáxinas, co que se quixo celebrar dende o Concello e a...