Boiro acolle esta fin de semana a II edición do Rally Ria de Arousa que se celebra nos catro municipios do Barbanza. A concelleira de Deportes, Dores Torrado, recibiu esta tarde aos pilotos boirenses que van participar nesta proba.
En total participan na proba preto de 25 boirenses entre pilotos e copilotos: 09 Tinín Iglesias – Bárbara Oubel; 16 David Lojo – Alex Somoza; 29 Javier Eiras – Manuel Raído; 35 Lisardo Abelleira – Martín Cuiña; 42 Álvaro Castro – Isidro Rey; 43 Roberto Suárez – Cristian García; 57 Alex Otero – Lara Gómez; 67 Borja Sóñora – Michael Cortegos; 73 Carlos Vilas – Adrián Rubio; 81 Alfonso Prieto – Diego Creo; 95 Pablo Blanco – Brais Ramallo; 97 Evelyn Solares – David Carou; 98 Esteban González – Daniel Outeiral; 126 David
Núñez – Albino Muñoz; 127 Daniel Domínguez – Adrián Blanco; 130 Dani Suárez – Manuel Castro.
Cabe destacar que de todos os boirenses que participan, o dorsal 42 con Álvaro Castro e Isidro Rey vai disputar nesta proba unha beca da Federación para a próxima tempada. Os participantes mostráronse moi satisfeitos con poder competir na casa. “Sabemos que é unha proba complexa, que require
mobilizar a un gran número de efectivos pero permite promocionar o deporte do automobilisimo, que ten un gran número de seguidores, no noso municipio e na nosa comarca”, afirmou a concelleira Dores Torrado.
Con motivo da celebración desta proba deportiva, durante a fin de semana vanse producir cortes ao tráfico e non estacionamento nas distintas zonas polas que transcorre o circuíto fixado. No núcleo de Boiro afectará ao estacionamento na Avenida da Constitución, no marxe de subida entre a Av. da
Avellaneda e a Av. de Barraña, o domingo entre as 8.00 e as 13.00 horas para o agrupamento de vehículos.
O sábado estarán afectados con cortes de tráfico os núcleos de Montañó, Montaña, Piñeiro e o acceso de Rosadelas cara o Campo da Mina. Quedarán tamén cortados entre as 12.00 e as 21.00 horas os accesos dende Escarabote a Montaña, Montañó e Piñeiro, tamén Mosquete e Escobias, aos que se poderá acceder por Runs.
O domingo queda cortado o acceso dende o campo de fútbol de Bealo ata Belles de Arriba entre as 6.45 e as 14.45 horas. Tamén quedan cortados os accesos entre Cadarnoxo e Sealo, por onde se realiza o segundo tramo, entre as 6.45 e as 14.45 horas. Tamén o acceso de Boimazán ao Aruxo e Candosa
no mesmo horario.
Os horarios poderán sufrir modificacións en función do desenvolvemento da proba.
