A segunda edición do Rally Ribeira – Ría de Arousa contará con 134 participantes

10 Novembro 2022

O salón de plenos do Consistorio de Ribeira acolleu na noite deste mércores 9 de novembro a presentación oficial do segundo Rally Ribeira-Ría de Arousa, última proba do campionato galego desta modalidade deportiva. O evento contou coa participación, entre outros, da directora da escudaría organizadora, Chus Iglesias; o vicepresidente da Federación Galega de Automobilismo, Fran Riaño; a xerente da mancomunidade Barbanza Arousa, Fátima Cachafeiro; e o alcalde de Ribeira Manuel Ruiz.

Chus Iglesias recordou que en maio de 2021 “nacía a escudaría Ribeira – Ría de Arousa co obxectivo de organizar unha proba na comarca para o desfrute da xente”. A súa andaina comezou cunha primeira edición da proba que reuniu 84 inscritos, que agora se eleva aos 134, un 59,52%.

Pola súa banda, o vicepresidente da Federación Fran Riaño manifestou que “había moitos anos que non irrompía unha proba coa forza que irrompeu este rally no certame galego, sendo o último que naceu así foi o da Mariña lucense, se ben estancouse nuns 90 participantes, mentres que o de Ribeira quedouse a dous coches de ser o récord de Galicia este ano”. Tamén avanzou que a proba vai contar cun vehículo único en España valorado nun millón de euros e que levará o dorsal número 1: un Citroën DS3 WRC ex Dani Sordo e ex Robert Kubica, que será pilotado por Víctor Senra, xa proclamado por sexto ano consecutivo campionato galego.

A competición estará integrada por seis treitos de dobre pasada. Tres deles percorreranse o sábado, denominándose Concello de Ribeira (descorrerá polo centro de Ribeira con 4,25 quilómetros), Construcións Abelleira (pola zona de Oleiros e Sobrido con 11,11 km.) e Mancomunidade do Barbanza (polo municipio da Pobra con 8,72). No domingo dispútanse o RDN competición (polo municipio de Rianxo: 10,44 km), Formigóns Barbanza (polo municipio de Boiro: 8,46 km.) e Construcións e Reformas RD (tamén polo concello de Boiro: 11,58 km.).

Fátima Cachafeiro significou que este tipo de iniciativas está axudando ao posicionamento turístico da comarca e acadando unha porcentaxe de ocupación hoteleira moi positiva no territorio: un dato no que afondou tamén o alcalde Manuel Ruiz quen subliñou que no termo ribeirense raia no cento por cento. Ruiz Rivas aproveitou para pedir comprensión polas molestias que poida ocasionar unha proba deportiva que vai beneficiar a moita xente no municipio e tamén informou de que o trofeo que entregarase ao gañador da cita foi elaborado por Abraham Benítez e recrea a Pedra da Ra.

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...