A provincia da Coruña loce calidade e sustentabilidade no Fórum Gastronómic de Barcelona

09 Novembro 2022

Seguen adiante, no Fórum Gastronómic de Barcelona, as actividades de promoción turística da Deputación da Coruña ao abeiro da campaña A provincia que sabe.

Os e as representantes dos produtos “que saben” presentes no stand da institución provincial durante os tres días do evento gastronómico-turístico catalán coincidiron en salientar os bos resultados en canto a contactos comerciais realizados: desde cadeas de distribución e puntos de venda, ata  xornalistas e críticos especializados en turismo e gastronomía.

Baixo o paraugas institucional da Área de Turismo, e no marco da estratexia de promoción A provincia que sabe, nesta edición incorporouse a presenza de produtores e produtoras, xerentes e/ou directores executivos (CEOs) de varias marcas de produtos agroalimentarios procedentes dos xeodestinos da provincia.

Neste sentido, o viccepresidente e deputado de Turismo, Xosé Regueira asegura que “destacar nunha feira tan competitiva coma esta, na que están representados todos os territorios do Estado, indica que contamos con produtores e produtoras con capacidade para destacarse, poñer en valor as súas marcas e pechar negocio”. Xosé Regueira explica que “precisamente esta nova estratexia de promoción, baseada na sustentabilidade e na calidade de toda a cadea agroalimentaria, é o camiño para avanzar en novas oportunidades de negocio e fomentar a empregabilidade en sectores con base no medio rural e no territorio, e aquí estamos vendo como o traballo de empresarios que buscan a especialización do seu produto implica un valor engadido con moi boa acollida”.

Ademais da liña de produtos agroalimentarios, o stand da Deputación tamén ofreceu sesións de cociña en directo que remataron nesta última xornada cunha demostración a cargo da cociñeira Bea Hermida e do cociñeiro Óscar Ures do restaurante A Cunca de Buño, Malpica de Bergantiños. Bea Hermida e Óscar Ures, que participaban no Fórum Gastonómic por vez primeira, achegaron ao público unha receita de ceviche de corvina e gambón, e unha fideuá con berberechos de Canduas e polbo de Malpica.

Produtos agroalimentarios “que saben” presentes no Fórum Gastronómic de Barcelona da man da Deputación

·       Arzúa: Queixo Galmesán, representado pola xerente da marca, Carmela Cano

·       Arzúa: Queixería As Verbas, representado por un dos tres socios e gandeiro, Xosé Lois Fernández Segade

·       Arzúa: Queixos Barral, a cargo de Francisco Muñoz e Laura Arrasa, representantes da marca en Barcelona

·       O Pino: Bica e tarta de améndoa de Vila sen Vento

·       Santiago de Compostela: Vermú Sardino, con presenza dos tres propietarios da marca, Ramón Costas, Carlos Rey e Alfonso Méndez-Benegassi

·       Carballo: Empanada ‘Costumes gastronómicos de Galicia’, representado polo director comercial, Antonio Claro, e polo xerente e panadeiro, Francisco Fraga

·       Carballo: Licores Bello Blanco, a cargo do propietario Borja Bello Blanco

·       Coristanco: Legumes ‘A Despensa D’Lujo’, con presenza de Lucía Calvo e José Iglesias

·       A Pobra do Caramiñal: A Conserveira, representada por Diego González Rodríguez

·       Cariño: Conservas vexetais ‘Amieiro’

·       Cariño: Conservas ‘La Pureza’

·       San Sadurniño: Galletas ‘Maruxas de Nata’

·       Ortigueira: Algas ‘Mar de Ardora’

Outros artigos

I Concurso Infantil de Debuxo ApiBarbanza – 2024

A delegación de AGA, asociación Galega de Apicultores, no seu Delegacion do BARBANZA SALNES convoca I Concurso Infantil de Debuxo Apícola co fin de involucrar e concienciar aos nenos sobre o valor da abella como axente polinizador e na conservación do medio...

+

O novo Auditorio de Ribeira abrirá o sábado 1 de xuño

O novo Auditorio Municipal de Ribeira abrirá as súas portas o sábado 1 de xuño e para celebrar a súa apertura, a Concellería de Cultura está a organizar unha programación especial que se estenderá ao longo de todo o mes. Esta coincidirá co "Xuño dá Cultura e as...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...