A compañía A Panadaría vai representar este venres 11 de novembro en Boiro o espectáculo para público adulto As que limpan. Será na Casa da Cultura de Boiro a partir das 21.00 horas. A venda de entradas estará dispoñíbel no mesmo día da función a partir das 20.00 horas.
As que limpan parte dun letreiro pendurado no manubrio dun cuarto no que se le “Por favor, arranxe o cuarto”. Ao regreso da praia, as camas feitas, as toallas limpas e o baño impoluto. A obra fala da loita organizada das camareiras de piso dos hoteis por acadar uns dereitos laborais e sociais xustos.