“A UE debe reverter a trapallada deseñada por Sinkevicius contra a pesca comunitaria”. Antón Luaces

29 Setembro 2022

Os armadores dos pesqueiros con base no porto da Coruña van presentar este venres, ás once da mañá, os motivos que teñen para elevar as súas queixas contra a decisión da Comisión de vedar a pescas de fondo en 87 zonas de augas comunitarias.  Esta acción nace no que foi o porto máis importante da frota comunitaria española e un das máis importantes (se non a máis importante) de Europa. 

Con este paso avante, os armadores coruñeses esixen a España que se dirixa á Comisión de Pesca para que paralice o acordo adoptado no último Consello de Ministros de Pesca que impiden a máis de douscentos buques galegos que empregan artes de fondo desenvolver a súa actividade pesqueira cotián en zonas que, sen contar coas valoración científicas necesarias, a xuizo do eurocomisario Sinkevicius, son zonas sensibles ata para as nasas.

Unha sensibilidade moi especial a do eurocomisario que, como non, os seus apoios ecoloxistas -tan sensibles como os fondos mariños que só Sinkevicius e eles protexen máis que aos pobos que teñen barcos e mariñeiros- apoian e aplauden, á vex  que desbotan toda posibilidade de dar continuidade á pesca de fondo que practican dende moitos decenios atrás e que serviu para aproveitar peixes que, de non seren capturados, morrerían sen proveito algún  para a Humanidade.

Que máis lle da a eles, que teñen garantido un salario e un prato quente cada poucas horas do día, sen ter que mollaren o cú  nas ondas do Gran Sol?.

As afectacións sociais e económicas só atinxen asos mariñeiros e a estes non se lles elixe para sentar á fronte dunha Comisión. Non lles preocupa que, na Comunidade Autónoma de Galicia uns catro mil mariñeiros perdan os seus postos de traballo a bordo de máis de 200 barcos que pescan con artes de fondo e que, como industria pesqueira consolidada que é, perda anualmente uns 8.000 millóns de euros que, evidentemente, a Comisión de Sinkevicius nunca lles devolverá.

Galicia quere que se suspenda inmediatamente o Regulamento que prohíbe as pesca de fondo e que se execute a presentación do anunciado recurso  ante o Tribunal de Xustiza da UE para reverter esta trapallada dirixida ao sector pesqueiro de toda a comunidade portuarias europea. De paso, que o Goberno español deixe de gardar a roupa de auga, porque a marea non vai chegar á Moncloa, onde se gardan baixo sete chaves os medos acumulados perante decenios ao mar e á pesca.

Outros artigos

“Grosera manipulación del CIS”. José Castro López

Todas las encuestas previas a las elecciones del 18-F acertaron en la intención del votode los gallegos con diferencias mínimas en la adjudicación de escaños. Todas, menoslas promovidas por un medio de comunicación cercano al Gobierno de España y las tresque realizó...

+

“Son os anos…”. Xulio Xiz

Anos e experiencia permítenme ser un optimismo relativo que ve o arredor coa mellor das perspectivas, estimando que a maioría das persoas fai as cousas o mellor que pode, e as administracións teñen intención benéfica nas accións que enfrontan. Os anos danme...

+

Publicidade

Revista en papel

Opinión

“Vello ou usado?. Velaí a cuestión” – Antón Luaces

“Vello ou usado?. Velaí a cuestión” – Antón Luaces

De vivir, meu pai cumprirìa hoxe 104 anos. Pero morreu aos 47 (un neno, para súa nai, miña avoa Maripepa; un home “de certa idade”para nós, os fillos). Cada quen fala da feira segundo lle vai nela. Preguntaráse o lector a que ven esta reflexión e vou explicalo: a...

“Los valientes del 1700” – Manuel Domínguez

“Los valientes del 1700” – Manuel Domínguez

Con vuestro permiso, el otro día me traslade al año 1944 cuando Franco visito Ribeira, hoy me traslado al año 1,700, aquí os muestro los mapas de la Ribeira de aquella época, pena que no sean muy claros, y podamos observar con mayor claridad. Bien en aquellos años,...