“Medios e máis forzas para acabar co lume nos montes”. Antón Luaces

Resulta evidente que os lumes que afectaron e aínda afectan aos montes galegos están, verdadeiramente, provocados polas persoas. Segundo algunas estimacións, non menos do 70%  dos incendios forestais nada teñen que ver coa Natureza. A man do home está tras deles. Aquí e en toda España.

Na actualidade circulan nas redes sociais apuntamentos segundo os que a maioría destas queimas teñen que ver con intereses económicos de persoas  directa ou indirectamente relacionadas con empresas vinculadas a novas tecnoloxías de produción enerxética.

Descoñezo o grao de certeza de tal aserto, pero sí quero deixar claro que vexo a man do home como provocadora deste caos que xa produciu a norte e feridas a varias persoas.

Ata que punto é así, que trinta patrullas do Exército van sumarse aos efectivos antiincendios da Xunta. Deste xeito reforzarase a vixilancia e identificación de potenciais axentes dos lumes forestais.

Son trinta patrullas terrestres e dous equipos de mantemento móbil. Todos eles van despregarse polos montes galegos no marco do operativo que integran as tropas da Operación Centinela Gallego da que se responsabilizan o Goberno galego e o Ministerio de Defensa.  Entre os efectivos figura un operativo cuxo obxectivo é mellorar a seguranza das persoas e a dos bens e, en xeral, a protección e defensa da riqueza forestal da Comunidade Autónoma fronte á amenaza dos lunes. Dispón, amáis, dunha Unidade de Investigación de Inxcendios Forestrais (UIFO) creada o ano pasado e que estes días traballa arreo para esclarecer as circunstancias dos lunes .

O dispositivo contra o lume conta tamén con droms despregados polo territorio, así como con 148 cámaras de última xeración provistas dunha tecnoloxía especialmente deseñada para exteriores e vixilancia forestal que é quen de identificar matrículas de vehículos nas pistas forestais.

O operativo dispón dun investimento de medio millón de euros e suipón a presenza de medios militares para atallar eventuais lumes na actividade incendiaria.