A Garda Civil de Boiro desmantelou un grupo de venda de substancias estupefacientes na comarca e detivo a dous veciños da Pobra do Caramiñal e un de Ribeira como presuntos autores dun delito contra a saúde pública no marco da ‘Operación Cobregon’.
Esta operación iniciouse no mes de novembro ao constatarse un incremento do consumo e venda de substancias estupefacientes polo miúdo na comarca do Barbanza. A Garda Civil iniciou unha investigación a cal deu como froito a identificación plena dos tres detidos, coñecidos das forzas de seguridade por diversos ilícitos da mesma índole, indicaron as mesmas fontes. Tras obter a identificación desas persoas, a Garda Civil estableceu un operativo de localización das mesmas e logrou o seu obxectivo nun dos controis realizados para o efecto.
A Benemérita interceptou un vehículo no que ían os tres detidos na localidade de Rianxo e interceptou un total de 219 gramos supostamente de cocaína a cal.
Os detidos foron postos ao dispor do Xulgado de Instrución número 1 de Padrón.
O Concello de Ribeira reforza o alumeado público na rúa de Galicia
O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...