A plataforma antidesaloxos Stop Desahucios Barbanza vén de alertar dun inminente desafiuzamento en Boiro, un proceso que deixaría na rúa, novamente, a unha familia sen capacidade para facer fronte ás cotas de aluguer. A orde deu dada polo Xulgado Número 2 de Ribeira, que sinalou o desaloxo para o día 9 de xuño ás 10.00 horas debido á falta de pagamento das rendas de aluguer ao fondo BuildingCenter. A plataforma compartiu o teléfono da familia, 628 040 981, por se alguén pode facilitar información ou recursos de utilidade nestes intres delicados.
Stop Desahucios tamén informa de que o Xulgado Número 3 de Ribeira declarou nulo un procedemento monitorio interposto por Abanca contra unha familia da dita localidade por falta de pagamentos dunha tarxeta de crédito. A xuíza declarou nula en 46 ocasións por “comisións abusivas”, reducindo a cantidade reclamada nun 60% e que agora Abanca terá que iniciar un novo procedemento xudicial pola cantidade realmente debida.
