O Museo Naval de Ferrol xa exhibe a exposición de Ribeira sobre o naufraxio do Santa Isabel

05 Maio 2022

“Bravura”, a exposición sobre o afundimento do vapor Santa Isabel que o Concello de Ribeira
organizou na nosa Sala Museo Municipal para celebrar o seu centenario, foi inaugurada este mediodía no Museo Naval de Ferrol nun acto que contou entre outros coa participación do alcalde Manuel
Ruiz.
“Bravura” relata o suceso desde a saída do vapor do País Vasco ata o seu accidente nos baixos da Pegar na Illa de Sálvora, ademais do seu contexto cun capítulo especial dedicado á emigración, no que se
fai un repaso da emigración en Ribeira nos anos 20 e 30 a través do singular “libro de emigrantes” deste concello. Na exposición pódense ver obxectos orixinais do barco como unha campá ou a luxosa vaixela
de prata rescatada do naufraxio. Tamén as medallas que recibiu o Luis Cebreiro ou a creada especialmente para as Heroínas de Sálvora.

Ademais do alcalde e do director do Museo Naval, Rafael María Izquierdo, tamén tomaron parte o historiador ribeirense Xosé María Fernández Pazos, que centrou a súa intervención no relato do
naufraxio acontecido na madrugada do 2 de xaneiro de 1921 cando o buque atravesaba as costas barbanzanas con 266 a bordo; e o seu homólogo José Luis Moar Rivera, que dedicou a súa intervención a
facer unha semblanza de Luis Cebreiro López, ferrolá de nacemento e segundo oficial daquel buque que con risco da súa vida rescatou a moitas vítimas do sinistro. De igual xeito, tamén o acto inaugural
contou coas intervencións do comisario da exposición, Miguel Ángel Vidal, e María del Carmen Cebreiro González, filla do mentado Luis Cebreiro.

Entre as autoridades presentes figuraban o Almirante do Arsenal de Ferrol, Ignacio Frutos Ruiz, os tenentes de alcalde de Viveiro Ribeira, Jesús Fernández Fernández e María Sampedro Fernández; o presidente da Autoridade Portuaria de Ferrol-San Cibrao, Francisco Barea Paz ou o concelleiro de Ferrol e deputado autonómico José Manuel Rey Varela.
A mostra permanecerá no Museo Naval durante dous meses, froito do acordo asinado entre o Concello de Ribeira e a entidade museística.

Outros artigos

I Concurso Infantil de Debuxo ApiBarbanza – 2024

A delegación de AGA, asociación Galega de Apicultores, no seu Delegacion do BARBANZA SALNES convoca I Concurso Infantil de Debuxo Apícola co fin de involucrar e concienciar aos nenos sobre o valor da abella como axente polinizador e na conservación do medio...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...