O GEAAT e o Parque das Illas Atlánticas confirman a existencia de construcións romanas en Sálvora

09 Maio 2022

Sabiamos moitas cousas do arquipélago de Sálvora, pero está claro que aínda hai segredos por desvelar, como o feito de que a illa principal acubille pegadas da presenza dos romanos. De feito, os traballos levados a cabo alí polo Grupo de Estudos de Arqueoloxía, Antigüidade e Territorio (GEAAT) da Universidade de Vigo, ao abeiro da primeira escavación arqueolóxica que se leva a cabo na illa, deron como o resultado a aparición dun importante xacemento romano que, segundo adianta o equipo de investigadores, é posíbel que se corresponda cunha factoría de salgadura.

Os traballos contan coa colaboración da Xunta de Galicia, a través da Consellería de Medio Ambiente, Territorio e Vivenda, e o Parque Nacional das Illas Atlánticas. Este traballo conxunto remóntase a 2011, cando o GEAAT realizou traballos análogos na illa de Ons, onde tamén se atoparon dous importantes xacementos de época romana.

O equipo de investigadores (dirixido polo profesor da Facultade de Historia do Campus de Ourense, Adolfo Fernández) levou a cabo unha sondaxe valorativa no Areal dos Bois, onde anos atrás xa se descubriran algúns materiais arqueolóxicos en superficie, polo que esta evidencia apuntaba á existencia dun xacemento romano, sen saber as dimensións e características.

Así, o Parque Nacional das Illas Atlánticas decidiu colaborar con este grupo investigador que tiña por obxectivo caracterizar os posíbeis restos agochados baixo a duna, mediante a realización dunha sondaxe valorativa.

A intervención, realizada durante o mes de abril, deu como resultado o achado -baixo a duna- dunha estrutura de época romana. O equipo da Universidade localizou un muro de contención que nivelaba o terreo nunha zona por onde descorría un antigo regato e, fóra do edificio romano, localizouse un vertedoiro con centos de fragmentos cerámicos, ósos de animais, cunchas, un coitelo de ferro e unha fibela de bronce.

Todo este material será estudado no Laboratorio do GEAAT, no Campus de Ourense, e segundo corroboran os investigadores, “poderá achegar importantes datos sobre a cronoloxía do xacemento, os seus usos e os hábitos de vida e consumo de alimentos dos seus habitantes, como por exemplo as especies que existían e que eran consumidas na illa durante os séculos I ao IV d.C”.

Ademais deste material, na sondaxe tamén recuperaron abundantes fragmentos de morteiro hidráulico formado por cal e coios que era utilizado habitualmente como revestimento dos píos de salga, similares aos empregados nas fábricas romanas de Adro Vello (O Grove), en Sobreira (Vigo), en O Naso (A Illa) ou na propia fábrica de Canexol (na illa de Ons).

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...