A Feira Náútica do Freixo reivindica en Outes a cultura e economía do mar

10 Maio 2022
A 1ª edición da iniciativa celébrase na contorna do centro náutico municipal o vindeiro 1, 2 e 3 de xullo

O alcalde do Concello de Outes, Manuel González e a coordinadora da organización da Feira Náutica do Freixo, Mónica Mejías, deron conta esta mañá da 1ªedición da iniciativa que se celebrará na Ribeira do Freixo dende o venres 1 ata o domingo 3 de xullo.

A Feira Náutica do Freixo, en Outes, é un evento de dinamización territorial, turística e económica con contidos profesionais, divulgativos, culturais e lúdicos. Está dirixida ao público xeral e a profesionais do sector, e prima a participación de empresas do Concello de Outes vencelladas ao mar integradas a través dun programa de actividades dirixido a visibilizar, promocionar, e gañar volume de negocio para os negocios da zona, dándolles a oportunidade de poñerse en valor e de establecer contactos de cara a potenciais contratos, colaboracións, intercambios e adquisicións de produtos e servizos.

Ademais da feira sectorial e das actividades artelladas para dar visibilidade ao tecido empresarial local, o programa da Feira Náutica do Freixo inclúe charlas, visitas e roteiros divulgativos destinados a trasladar aos visitantes o riquísimo patrimonio inmaterial vinculado ao mar, amosando a histórica identidade marítima da zona.

Entre as accións divulgativas que se están a organizar de cara ao evento cabe destacar unha mostra de embarcacións tradicionais, unha exposición e un obradoiro de carpintaría de ribeira en colaboración con CULTURMAR, AGALCARI e Terra de Outes, visitas a enclaves de especial interese habitualmente non accesibles para público xeneral, e roteiros para o coñecemento da tradición marítima e da destacada relevancia do pasado, o presente e o futuro do sector náutico na contorna.

Obradoiros, travesías en barco e kayak pola ría, un apartado de sostibilidade, unha zona gastronómica rexentada por algúns dos máis destacados establecementos de restauración da zona e un atractivo programa de actuacións musicais, completan o cartel da feira, que irá debullando a súa programación ata o mes de xullo a través das redes sociais municipais.

Unha iniciativa de balde e para todo tipo de públicos que repartirá os seus contidos pola Ribeira do Freixo, que porá en valor a esencia marítima do territorio e a destacada riqueza histórica, cultural e económica da zona en vinculación co mar, e que aspira a consolidarse -polo seu carácter transversal e integrador- como o principal evento destas características en Galicia e a establecerse no calendario como cita imprescindible para os profesionais e empresas dos sectores implicados, así como en punto de encontro e descubertas para todas aquelas persoas curiosas e amantes do mar e do seu patrimonio material e inmaterial.

O alcalde, Manolo González, convidou a cidadanía galega a participar neste evento que procura situar a Outes no mapa, e agradeceu o apoio do GALP Seo de Fisterra – Ría de Muros-Noia, que financia a actividade.

Aqueles profesionais, empresas, entidades, colectivos ou persoas interesadas en participar ou achegar unha proposta relacionada coa cultura e a economía do mar á Feira Náutica do Freixo poden facelo escribindo a alcaldia@outes.gal.

Outros artigos

A Marea de Noia require unha inspección da ETAP

O voceiro da Marea de Noia, Manolo Seijas, presentou un escrito ante a inspección de sanidade sobre a auga municipal no que require ao dito departamento unha análise exhaustiva da ETAP (Estación Tratamento de Auga Potábel) para verificar o estado da mesma e do...

+

I Concurso Infantil de Debuxo ApiBarbanza – 2024

A delegación de AGA, asociación Galega de Apicultores, no seu Delegacion do BARBANZA SALNES convoca I Concurso Infantil de Debuxo Apícola co fin de involucrar e concienciar aos nenos sobre o valor da abella como axente polinizador e na conservación do medio...

+

Todo preparado para a Semana Santa na ría da Estrela

Na ría da Estrela (ría de Muros e Noia) prepararon estes días até os máis miúdos detalles para recibir aos visitantes de Semana Santa. "Aqueles que buscan historia, contorna, gastronomía, atoparano neste roteiro que axunta os concellos de Lousame, Muros, Noia, Porto...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...