Co obxectivo de achegar actividades de conciliación, creatividade, participación, lecer nos vindeiros días festivos, o Concello de Outes organiza o Campamento Tempo de Entroido ao abeiro do programa Outes Concilia, destinado a nenas e nenos de idades comprendidas entre os 3 anos (escolarizados) e os 12 anos.
Esta actividade celebrarase os días 28 de febreiro e 1 de marzo, en horario de 8:00 a 16:00 horas, no edificio autónomo do CEIP Plurilingüe de Outes.
O prazo de inscrición é do 14 ao 18 de febreiro.
As nenas e nenos terán opción de almorzar e xantar no servizo, sendo as familias as encargadas de aportar os alimentos en termos e neveiras. As prazas serán limitadas. O prezo público establecido será de 10 € o total do campamento.
