Co obxectivo de convidar ás familias a xerar recursos que axuden a mellorar a calidade de vida das nenas, nenos e adolescentes en situación de desprotección e vulnerabilidade, o Concello de Porto do Son e máis a Asociación Galega de Familias de Acollida (ACOUGO) van organizar este 23 de novembro a charla Contigo florece, xerando cultura de acollemento. Será ás 17.30 horas no Centro de Interpretación do Castro de Baroña.
Na actividade porase o foco en mostrar a realidade na que vive os devanditos nenos e adolescentes, para os cales o acollemento familiar representa unha gran oportunidade para mellorar a súa calidade de vida. O coloquio estará aberto a toda a cidadanía en xeral mais, por mor das medidas fronte á COVID-19, é preciso inscribirse no teléfono 622 672 188 ou a través do correo info@acougo.gal. Está dispoñíbel un formulario para facelo.
