O plan de sustentabilidade turística de Ribeira, entre as nove propostas galegas que optan aos Next Generation

08 Novembro 2021

Ribeira vén de situar o seu plan de sustentabilidade turística na selección de proxectos galegos que optan ao co-financiamento dos fondos europeos Next Generation. O concello foi elixido con outras oito propostas candidatas dun total de 19 contribucións presentadas. Optan á distribución dun total de 14,6 millóns de euros co obxecto de desenvolver os seus Plans de Sustanbilidade Turística.

Así o vén de dar a coñecer a Xunta de Galicia logo de consensuar co Goberno central cales son os Plans de Sostibilidade Turística en Destino (PSTD) que se desenvolverán en Galicia ao amparo do Plan Territorial Litoral da Xunta, que permitirá inxectar un total de 14,6 millóns de euros dos fondos Next Generation, dos cales o noso Concello espera recibir alomenos un millón e medio de euros.

Xunto a Ribeira, tamén foron validados positivamente os proxectos PSDT presentados pola Deputación da Coruña (dous: o de Fragas de Eume e o do Xeoparque Cabo Ortegal), Muros-Noia e As Mariñas-Betanzos. Fóra da nosa provincia tamén obterán axuda os plans dos Concellos de Pontevedra, Sanxenxo, Marín e Baiona.

Foron rexeitados os proxectos da Coruña, Vigo, Gondomar, Viveiro, A Cañiza, Dodro e O Grove.

Os criterios de valoración foron establecidos na Estratexia de Sostibilidade Turística en Destino da Secretaría de Estado de Turismo, aliñados cos eixes de transformación do Fondo Next Generation: transición verde e sustentábel, eficiencia enerxética, transición dixital e competitividade. Tamén se valorou a calidade, a coherencia e precisión do proxecto presentado, a vocación turística de destino e o aliñamento coa estratexia de desenvolvemento turístico e estatal.

A praia de Coroso, un dos principais puntos turísticos de Ribeira

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...