Descargados en 24 horas máis da metade dos cupóns de desconto da Campaña de Comercio Amaribeira

16 Novembro 2021

Onte luns comezou a primeira fase da campaña do Concello a prol do comercio e a hostalería local denominado AMARIBEIRA e, a tenor dos resultados do seu día inaugural, está a ter moi boa acollida, posto que dos 500
cupóns de desconto postos a disposición a veciñanza xa se descargou máis da metade nas primeiras 24 horas de campaña: un total de 270.
Nesta primeira fase (que durará do 15 e o 30 de novembro) os descontos existentes son aplicables exclusivamente nos negocios da marketplace Ribeira Store (https://ribeirastore.com/). Obtéñense 10 euros de desconto por cada 30 gastados, acumulables ata un máximo de 30 euros de desconto. Os negocios non adheridos que se desexen
sumar á marketplace e beneficiarse tamén destes descontos aínda están a tempo de facelo. Toda a información está dispoñible na páxina web https://amaribeira.gal/.
Ribeira Store en Viladecans
Ao fío deste asunto cómpre informar de que o alcalde Manuel Ruiz participou onte en Viladecans na quinta edición do Encontro Innpulso Emprende promovida pola Rede Innpulso (Rede de Cidades da Ciencia e da Innovación, da que o concello ribeirense forma parte) posto que a citada marketplace Ribeira Store foi unha das iniciativas seleccionadas para que fose presentada neste foro, orientado a potenciar o intercambio de experiencias na promoción e o apoio á
innovación na procura de acadar cidades climaticamente neutras.
O alcalde lembrou durante a presentación (na que tamén participou Pablo Borrás, da empresa 2bedigital, que presta soporte á devandita plataforma de comercio electrónico) que esta ferramenta xurdiu en plena pandemia como unha das medidas impulsadas polo Concello para contrarrestar os efectos económicos do covid-19 no noso sector servizos e anunciou precisamente o arranque de AMARIBEIRA para estimular o seu uso pola cidadanía.

Outros artigos

I Concurso Infantil de Debuxo ApiBarbanza – 2024

A delegación de AGA, asociación Galega de Apicultores, no seu Delegacion do BARBANZA SALNES convoca I Concurso Infantil de Debuxo Apícola co fin de involucrar e concienciar aos nenos sobre o valor da abella como axente polinizador e na conservación do medio...

+

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...