Cerqueira adquire outros 11.500 m² en Rianxo e confirma que iniciará as novas instalacións en 2022

26 Novembro 2021

A empresa Conservas Cerqueira, referente no seu sector e titular da marca Pay Pay, iniciará a construción das súas novas instalacións no Polígono de Té en Rianxo (A Coruña) o vindeiro ano. Así o confirmou o responsábel da firma, Juan Manuel Cerqueira Ozores, quen asinou este 25 de novembro a adquisición formal de dúas novas parcelas no complexo empresarial rianxeiro, que se suman ás xa mercadas en 2020 (cinco parcelas, que sumaban 24.896 metros cadrados por 1,5 millóns de euros). O acordo formalizouse entre a conserveira e a sociedade estatal SEA, representada pola súa xerente Beatriz Sestayo.

Os dous novos predios adquiridos este xoves 25 de novembro, por preto de 880.000 euros, supoñen outros 11.548 metros cadrados, o que permitirá a Cerqueira dispor dun total de 36.444 para construír as súas novas e pioneiras instalacións. A compañía conta con preto de 400 traballadores. A súa sede en Barbanza viña atopándose no barrio de Bandourrío, en Ribeira, nun histórico edificio que constitúe un dos últimos exemplos aínda activos de arquitectura industrial conserveira e urbana.

Beatriz Sestayo destacou “a importancia do acordo alcanzado” e das “súas repercusións para o emprego e a economía da comarca”. Segundo fixo saber, a operación “supón un proxecto pioneiro dentro dun sector tan importante para Galicia como é o conserveiro”. Ao mesmo tempo, incidiu na “consolidación dos magníficos resultados que, para o crecemento económico, supuxo a nosa estratexia para o Polígono de Rianxo”. En total, dixo, xa son 19 as empresas que adquiriron chan en Rianxo, entre as que figuran Cortizo, Transagonza, Mar da Pobra, Metales Taragoña ou Proafer. A superficie total do polígono ascende a 317.728 metros cadrados, dos que se destinan a superficie neta 200.156.

Outros artigos

Este venres comezan as Festas da Virxe do Carme de Rianxo

Este venres 12 de xullo comezan as Festas da Virxe Do Carme de Rianxo, que ofrecen a residentes e visitantes cinco completas xornadas de celebracións festivas con todo tipo de actividades. A axenda comeza este venres co festival RianClown a partir das 20.30 horas e co...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...