A Asociación Ambar das persoas con diversidade funcional, con sede principal en Ribeira, vén de ampliar o prazo de inscrición nas súas formacións, completamente gratuítas, dirixidas as persoas con diversidade funcional menores de 30 anos.
As formacións Operacións auxiliares de elaboración na industria alimentaria e Actividades auxiliares en aproveitamentos forestais comezarán en xaneiro de 2022 e impartiranse de luns a venres no Centro de Recursos da Asociación Ambar en Ribeira (San Roque/Frións) de 10 a 14h. As persoas asistentes contarán cunha beca de 9€ ó día na fase teórica das formación e coa posibilidade de transporte adaptado.
Requisitos para participar
• Ter unha idade comprendida entre os 16 e 30 anos
• Inscrición no Sistema Nacional de Garantía Xuvenil
• Ter unha diversidade funcional recoñecida igual ou superior ó 33%.
Como inscribirse?
• Chamando ó 981 87 44 80
• Ou a través da ligazón específica de Ambar.
Para solicitar máis información: empregoinclusivo@asociacionambar.org.
Estas formacións son posíbeis grazas á subvención da Fundación ONCE concedida na Convocatoria de Axudas económicas para a Selección de Operacións para o Reforzo da Empregabilidade de Persoas Xoves con Discapacidade Uno a Uno
Operacións auxiliares de elaboración na industria alimentaria
Data: Comeza o 17 de xaneiro de 2022.
Horario: de luns a venres de 10 a 14h
Duración: Un total de 340 horas:
• 220 formación teórica
• 120 formación práctica nunha empresa
Lugar: Centro de recursos da Asociación Ambar. Lg Granxa No 5. Frións Ribeira
Actividades auxiliares en aproveitamentos forestais
Data: Comeza o 24 de xaneiro de 2022.
Horario: de luns a venres de 10 a 14h
Duración: Un total de 320 horas:
• 200 formación teórica
• 120 formación práctica nunha empresa
Lugar: Centro de recursos da Asociación Ambar. Lg Granxa No 5. Frións Ribeira