O Grupo de Goberno decidiu que a partir da vindeira semana as súas reunións de coordinación, que habitualmente se celebran todos os luns, terán lugar en Aguiño e Palmeira de forma alternada.
Deste xeito, e logo de tratar os temas que forman parte destas reunións, alcalde e concelleiros con dedicación atenderán in situ aos veciños e veciñas da contorna que desexen expoñer alí asuntos que son do seu interese, sen ter que trasladarse para tal cometido á casa do concello.
Estímase unha duración de trinta minutos para as reunións de coordinación, e entre as 10 da mañá e as 12 do mediodía atenderase á veciñanza.
En Aguiño as reunións celebraranse na Aula de Música (Conservatorio) o primeiro e o terceiro luns de cada mes, mentres que en Palmeira desenvolveranse no segundo e no cuarto na Casa do Mar.
Sendo o vindeiro 8 de novembro segundo luns de mes, esta iniciativa arrancará polo tanto na instalación radicada en Palmeira.
Aberto o prazo de inscrición na reunión sobre dixitalización para negocios da Pobra
A Concellaría da Promoción Económica da Pobra do Caramiñal xa se atopa inmersa na organización da xornada explicativa do día 24 de abril, no Coworking da localidade, dirixida ao sector comercial, hostaleiro e pequenas empresas do municipio con relación a servizos de...