As instalacións da escola local de hostalería no edificio do mercado albergaron esta mañá unha actividade conxunta entre o alumnado do obradoiro ribeirense de cociña O Pote e o do segundo curso do ciclo superior de nutrición e dietética do IES da Pobra do Caramiñal.
Nesta xornada de confraternización, o alumnado do ciclo superior de FP fixo unha presentación cos conceptos básicos da nutrición que deben ter en conta á hora de programar os menús o persoal de cociña atendendo ás necesidades dos usuarios, para dar paso ao cociñado conxunto dun menú saudable atendendo ás particularidades dos usuarios dos menús solidarios que o alumnado do programa de emprego O Pote elabora diariamente.
Unha vez terminado o cociñado conxunto se fixo unha posta en común para que o diferente alumnado valorase a actividade atendendo ás dificultades de cada unha das funcións dos profesionais: a visión do equipo que programa o menú saudable e o persoal que se encarga da elaboración.
Rematan as clases da sétima edición de Camiños de Coñecemento e Experiencia na Pobra coa visita a Mupega
As aulas da sétima edición que se desenvolve na Pobra do Caramiñal do programa de democratización do coñecemento Camiños de Coñecemento e Experiencia chegaron á súa fin coa visita ao Museo Pedagóxico de Galicia (Mupega).Esta saída constituía a parte práctica do...