A última e definitiva etapa da Regata ALCA, este sábado na Pobra

04 Novembro 2021

O Club Náutico Arousa Norte (A Pobra do Caramiñal) dará a saída este sábado 6 de novembro á definitiva manga da Regata ALCA, organizada pola dita entidade deportiva. A frota composta por unhas 15 embarcacións xogarase a última carta nun percorrido polo interior da ría de Arousa en formato inverso, un tipo de regata que se caracteriza por compensar os tempos das embarcacións antes da saída, é dicir: os barcos sairán de xeito escalonado en función da súa velocidade teórica. “Isto”, explican dende o Club, “permitirá ver unha chegada moi igualada entre todas as embarcacións nas inmediacións do espigón pobrense, o que se espera contribúa á espectacularidade da proba”.

Fixius, de Miguel Perez-Lafuente, chega líder na clase cruceiro regata a esta última manga

O Club engade que o parte meteorolóxico augura unha xornada ideal para a práctica da vela, con ventos do primeiro cuadrante de entre 10 e 15 nós que farán que a frota navegue a altas velocidades.

Na clase Regata, o Chispetrén, con Jesús Iglesias á roda, do Náutico Arousa Norte, chega líder e con mais de medio trofeo no peto, pero os seus rivais non llo porán doado e pelexarán polo podio veleiros como os vilagarciáns Mus e Santanas ou o Alpha do CN Rianxo.

Na clase cruceiro-regata a igualdade é absoluta con 3 barcos empatados na primeira posición e

calquera podería levar o trofeo. Embarcacións como o Fixius, actual líder, o Piolín, o Sempre Volve, A Píllara ou o Cámping Ría de Arousa tentarán subirse todos o máis alto do caixón.

Na clase cruceiro un só punto separa ao Orlando, de Gerardo Sánchez, agora líder, do segundo

clasificado o Galopín, de Manuel Franco. O Piko Norte, terceiro en discordia, pode facer de xuíz na

contenda xa que se atopará con condicións de vento a priori favorábeis.

Ao finalizar a proba realizarase a entrega de trofeos nas instalacións da mariña.

Outros artigos

A V Bandeira de Bateis Concello da Pobra disputarase no 31 de marzo

Este 31 e marzo disputarase finalmente a quinta edición da Bandeira de Bateis Concello da Pobra, feminina e masculina. Trátase dunha proba organizada polo Club Remo Pobra (Club Remo Puebla) co patrocinio da Concellaría dos Deportes, ademais da colaboración da...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...