O concerto gratuíto de Roi Casal en Lousame: o 12 de outubro no campo de San Roquiño

O concerto As músicas do Camiño de Roi Casal celebrase este martes 12 de outubro, ás 19:00 horas, no campo da festa de San Roquiño (Tállara). Como lembraremos, era unha actuación prevista inicialmente para o pasado 26 de setembro pero que tivo que ser adiada debido ás adversas condicións meteorolóxicas.

O Concello de Lousame lembra que a entrada ao concerto continúa sendo de balde pero que haberá que facer reserva previa na plataforma www.bandoticket.com. Neste sentido, recorda que as reservas realizadas para o concerto do pasado 26 de setembro xa non son válidas, polo que as persoas interesadas en acudir ao concerto deberán facer unha nova reserva.

O concerto de Roi Casal está organizado polo Concello de Lousame, en colaboración co Xacobeo 21-22 e a Xunta de Galicia.