Unha persoa resultou ferida ao saírse da vía co vehículo no que circulaba, en Ribeira, e bater contra outros dous estacionados.
O 112 Galicia recibiu a chamada dunha testemuña do accidente, ocorrido no cruce da estrada comarcal AC-303 coa AC-550, en Oleiros, na que daba aviso de que un turismo acababa de quedar envorcado na estrada pero que non había ninguén atrapado no seu interior.
De inmediato, desde o CIAE-112 facilitóuselle a información aos profesionais de Urxencias Sanitarias de Galicia – 061, aos axentes da Garda Civil de Tráfico e da Policía Local, aos Bombeiros da localidade e ao GAEM de Ribeira.
Ao final, os efectivos de emerxencias do concello confirmaron ao 112 que o condutor do vehículo, e único ocupante, foi quen resultou ferido.
O choque foi aparatoso e rexistráronse cuantiosos danos materiais. Un dos coches acabou envorcado sobre un lateral, e pola calzada quedaron dispersos restos dos turismos implicados.
