Os sábados de outubro temos unha cita formativa co gravado en Rianxo

O Concello de Rianxo, o Museo do Gravado de Artes (Ribeira) e a Deputación da Coruña organizan este mes de outubro unha actividade de formación e dinamización enmarcada no programa de celebracións do centenario de Faustino Rey Romero, o sacerdote e escritor da parroquia de Isorna, autor de poemarios tan sobranceiros como Poema das materias sagras ou Catro sonetos ó destino dunha rosa. A devandita actividade consiste nun obradoiro de iniciación ao gravado. Celebrarase os sábados 9, 16, 23 e 30 de outubro de 10.00 a 13.00 horas. Está destinado para persoas maiores de 16 anos.

Segundo informa o Concello, trátase dunha iniciativa de balde pero é preciso formalizar unha inscrición previa no correo electrónico cultura@concelloderianxo.gal, ata as 12.00 horas do xoves 7 de outubro e/ou ata esgotar prazas 15 dispoñíbeis.