Un veciño de Rianxo foi detido pola Garda Civil como presunto autor de delitos de resistencia e desobediencia grave aos axentes, así como por danos tras romper o retrovisor dunha patrulla da Policía Local tras ser requirido polos axentes cando alteraba a orde pública.
Segundo informou a Garda Civil, a Policía Local foi requirida a unha das rúas de Rianxo debido á presenza dun individuo semidesnudo e sen máscara que alteraba a orde.
Unha vez no lugar, os axentes da Policía Local pediron ao home que cesase a súa actitude, ante o que o agora detido reaccionou de forma violenta ameazando aos axentes cun pau, co que golpeou o retrovisor do vehículo oficial ata a súa rotura.
Ante a actitude desta persoa, os efectivos solicitaron a colaboración da Garda Civil que, unha vez no lugar, procedeu á detención do home como presunto autor dun delito de desobediencia grave aos axentes, outro de resistencia grave e un terceiro delito de danos pola rotura do espello retrovisor do vehículo oficial.
O detido, xunto coas actuacións realizadas, foi posto ao dispor do Xulgado de Instrución de garda de Padrón.
