A Covid que desde fai dez días afecta o municipio da Pobra cobrouse á súa primeira vítima mortal. Trátase dunha muller de 77 anos que estaba ingresada na unidade de coidados intensivos do Clínico de Santiago e que falecía nas últimas horas.
A muller tiña patoloxías previas. O alcalde do municipio, Xosé Lois Piñeiro lamentou profundamente este falecemento, que confesou que é unha das peores noticias que se pode dar como rexedor.
O rexidor pobrense amosou o apoio aos parentes da falecida, e lembrou que hai que seguir loitando para saír deste pesadelo na que se atopa a localidade, que suma uns corenta contagios e está nas máximas restricións desde onte. Con esta morte xa son catro veciños da Pobra os que faleceron polo covid desde que se iniciou a pandemia, e 85 entre todos os concellos de Barbanza, mentres que na conxunto da área sanitaria os mortos por coronavirus xa suman 359.
