Segundo informa o “Diario de Arousa” un veciño de Castiñeiras foi detido por axentes da Policía Nacional de Ribeira baixo a acusación de ser o presunto autor de varios delitos de roubo con forza nas cousas. Os efectivos adscritos á comisaría iniciaron unha investigación tras ter coñecemento de varios roubos en domicilios do municipio a través das denuncias interpostas polos seus propietarios, e que estaban a xerar unha enorme preocupación na localidade. Ademais, a pasada fin de semana pola noite rexistrouse un roubo no camposanto municipal de Santa Uxía aínda que, ao parecer, o ladrón non levou botín algún, só rompeu o cadeado dunha das fechaduras e fuxiu ao ser descuberto por unha testemuña.
O seu arresto tivo lugar ao redor das dúas da tarde na Rúa Xosé Ramón Fernández Barreiro, no barrio residencial de Abesadas, cando o sospeitoso atopábase nas inmediacións dun edificio de okupas. Os axentes ribeirenses da unidade xudicial do Corpo Nacional de Policía interceptárono, arrestárono e trasladárono aos calabozos da comisaría.
