Comezan as obras para renovar o pavimentado da rúa da Dorna en Castiñeiras

O Concello de Ribeira informa do inicio das obras para renovar o pavimentado da rúa da Dorna, situada na parroquia de Castiñeiras.

Operarios da empresa Nosa (Nemesio Ordóñez, S.A.) procederon na presente semana a substituír o firme, que achega sinais claras de deterioro, desta céntrica vía do núcleo de Castiñeiras, moi preto do colexio Sagrado Corazón. Para tal fin aplicáronse un total de 350 metros cadrados de aglomerado asfáltico. O importe da intervención ascende a 8.000 euros.