A Asociación Amicos, vencedora en Ribeira do concurso de vídeos de TikTok pola igualdade

O Consistorio de Ribeira acolleu este 16 de abril a entrega de premios do Primeiro Concurso de Vídeos de TikTok pola Igualdade que fora organizado polo Concello de Ribeira no marcos dos actos conmemorativos do Día Internacional da Muller. A asociación Amicos ocupou o primeiro lugar cun vídeo elaborado por seis dos seus usuarios. En segundo lugar quedou o Club Patinaxe Ribeira, con cinco integrantes.

O acto estivo presidido polo alcalde Manuel Ruiz e contou coa participación coa concelleira de Servizos Sociais Ana Ruiz. As entidades recibiron unha tableta como primeiro premio e uns auriculares sen fíos como segundo de acordo coas bases desta orixinal iniciativa ideade polo CIM ribeirense.