Volve o Autocine a Ribeira con María Solinha polo Día da Muller

O Aparcadoiro do CIFP Coroso e a Praza Estudantes acollerá este venres 12 de marzo, ás 19:30 horas, a largometraxe María Solinha, que está enmarcado polo Concello de Ribeira nos actos arredor do Día da Muller. A filme será estreada en Ribeira en formato Autocine a través da produtora de cinema Vía Láctea Filmes.
O evento contará coa asistencia do director do filme, Ignacio Vilar, que acudirá á estrea para facer unha presentación previa da mesma. María Solinha trata a lenda dunha muller icónica, condenada pola Inquisición, cun relato que se move entre o século XII e XXI. María Solinha foi unha figura visionaria cun anhelo de liberade que a converteu en icona feminista, un feito que Grial Montes e Laura Míguez protagonizarán a través da pantalla.
Tódolos interesados en acudir ao espectáculo poderán facelo formulando a súa reserva gratuíta ata encher o aforo a través de www.autocine.gal