O prazo para presentar obras ao Novela Curta de Ribeira remata o 23 de marzo

O Concello de Ribeira fixo saber que o prazo para presentar contribucións á oitava edición do Concurso Internacional de Novela Curta Cidade Centenaria de Ribeira remata este 23 de marzo. Os días pasados, o departamento local de Cultura informou de que xa había, na primeira semana de marzo, catorce obras presentadas.

As bases pódense consultar en www.ribeira.gal.

Para a concesión do premio valorarase a técnica literaria, a calidade da escritura e a orixinalidade, entre outros aspectos.

Nas súas sete primeiras edicións foron galardoados Begoña Paz (As mellores intencións), Ignacio Silva (Vertixes), Goretti Fariña (Orlando pendurado), David Pobra (Liña azul), Amadeo Cobas (A cacería), Antonio Tizón (Un home estraño) e Antonio Piñeiro (Celada).