O Concello de Ribeira porá en marcha unha nova actuación que desta vez reordenará as zonas do arredor da Aula de Música de Aguiño.
As obras incluirán mellorar na rúa Manuel Murguía, zona na que se vai a crear unha área de aparcamento tras demoler a beirarrúa actual e substituíla por outra pegada ao conservatorio. Tamén serán desprazadas as dúas luminarias verticais existentes, e os xogos do parque infantil pasarán á parte posterior da parcela, onde serán instalados sobre un pavimento de caucho.
A rúa Manuel Murguía tamén será mellorada a través dunha nova pavimentación para eliminar as fochancas e disgregacións que rexistra a vía. Ademais, a fachada do conservatorio será pintada cunha pintura especial para dar solución a problemas de humidades.
A actuación consta dun investimento total de 49.471 euros e un prazo de execución de dous meses. Así, tódalas empresas interesadas dispoñen ata o 23 de marzo para a presentación das súas ofertas.
