A situación da Covid-19 nos centros educativas de Barbanza segue mellorando aínda que no caso de Ribeira complicouse tras detectarse un positivo no centro de infantil e primaria de Frións, o que obrigou a pechar unha aula e a manter nunha corentena preventiva a todos os compañeiros que tiveron contacto coa persoa enferma.
Tamén segue sen actividade unha clase no CEIP de Palmeira, no que hai dous casos activos. Mentres os casos de positivos no colexio O Grupo comezou a remitir ao recibir o alta outros dous contaxiados. Nestes momentos, quedan oito enfermos con virus vinculados a este centro. Ademais no instituto ribeirense Leliadoura hai un positivo menos polo que só queda un caso activo.
