Detidas en Ribeira cinco persoas por delitos contra a saúde pública

26 Marzo 2021

Axentes da Policía Nacional adscritos á Comisaría de Ribeira veñen de deter a cinco persoas por tráfico de drogas: tres homes e dúas mulleres adicadas á venda polo miúdo de cocaína e heroína. Ademais, detívose a unha sexta persoa por levar entre as súas pertenzas un teléfono móbil denunciado como subtraído.

Durante a investigación policial constatouse como en tres vivendas da cidade distribuíase droga a todas as horas do día, podéndose identificar aos participantes na rede.

Nos rexistros do tres domicilios, incautáronse 2.300 euros, 108 papelinas de cocaína, 53 papelinas de heroína, 5 rocas de heroína (25 gramos), tres básculas de precisión, sustancia para o corte de droga, tres teléfonos móbiles (un deles fora denunciado como subtraído en Canarias), entre outros efectos.

No dispositivo policial para levar a cabo a desarticulación destes puntos de venda de droga desenvolvido por axentes da comisaría local de Ribeira, prestaron o seu apoio operativo os grupos GOES, UPR e Guías Caninos da Xefatura Superior de Policía de Galicia.

Tras tramitarse as correspondentes dilixencias policiais, os detidos foron postos a disposición do Xulgado de Instrución Nº 1 de Ribeira, en funcións de garda.

Outros artigos

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...