En Ribeira comezan as obras para acondicionar a oficina turística do porto

No marco do plan de desenvolvemento e promoción da nova marca turística de Ribeira, o Concello vén de pór en marcha as obras dirixidas á mellora da fachada e o tellado na oficina situada no Malecón (inmóbel compartido coa oficina de atención ao consumidor).

Os traballos van consistir “nunha limpeza meticulosa do tellado e a reparación da fachada”. Ademais, nunha fase posterior vaise realizar unha auditoría enerxética do edificio coa fin de optimizar o consumo enerxético, maximizar a eficiencia na instalación e reducir as emisións provocadas polo consumo de enerxía.

Logo das intervencións no exterior, prevese facer unha remodelación do interior “dándolle unha estética que inclúa e visualice a marca Ribeira”.

Tamén está en estudo a remodelación da oficina situada en Xarás, a carón da saída da AP-9.