En Ribeira comeza a puxa da pavimentación da estrada de Axeitos

O Concello de Ribeira informa da apertura de presentación de ofertas para a pavimentación da estrada de Axeitos, en Oleiros.

O obxectivo desta obra consiste en estender unha nova capa de aglomerado asfáltico na vía, xa que a día de hoxe rexistra algunhas fochancas e zonas disgregadas. A intervención tamén inclúe pavimentación dos sobreanchos.

A obra conta cun investimento base de 103.631,90 euros IVE incluído e está financiada polo Plan Provincial de cooperación ás Obras e Servizos de competencia Municipal (POS+ Adicional 1/2018).

Todas as empresas interesadas en intervir, poderán presentar as súas ofertas ata o 9 de marzo a través do Sistema de Licitación Electrónica da Xunta (SILEX). O prazo de execución da obra será de 2 meses.